Lənkəranda avtomobilin su kanalına aşması nəticəsində 3 nəfər xəsarət alıb. Bu haqda məlumatı Cenublu.az bu gün, 15 iyun tarixində Apa.az-a istinadən verir.
Hadisə günorta saatlarında Ələt–Astara–İran magistralının Səpnəkəran kəndi ərazisindən keçən hissəsində baş verib. Astara rayonunun Maşxan kənd sakini, 27 yaşlı Azərim Azərilinin idarə etdiyi "Nissan" markalı minik avtomobili idarəetmədən çıxaraq yol kənarındakı su kanalına aşıb.
Qəza nəticəsində avtomobildə olan 4 nəfərdən 3-ü, sürücü və Astara rayon sakinləri – 29 yaşlı Sevinc Mustafayeva, 25 yaşlı Möhsüm Quliyev müxtəlif dərəcəli bədən xəsarətləri alıblar. Yaralılar xəstəxanaya çatdırılıblar.
Qeyd edək ki, qəzada xəsarət alan sürücü Azərim Azərili Birinci Qarabağ müharibəsi şəhidi Azər Əsədullayevin qızıdır.
Faktla bağlı araşdırma aparılır.
