Lənkəranda limon bağına dəyən zərərlə bağlı yekun qiymətləndirmə aparılıb. Bu haqda məlumatı Cenublu.az bu gün, 6 iyun tarixində Modern.az-a istinadən verir.
Cari ilin fevral ayında yağan qar nəticəsində rayonun Separadi kəndindəki limon bağlarına zərər dəyib. Bağda ağacların budaqlarında qırılmalar müşahidə edilib.
Aqrar Sığorta Fondunun eksperti tərəfindən ərazidə ilkin ekspertiza aparılıb. Daha sonra ekspertlər tərəfindən sahəyə dəymiş zərərlə bağlı yekun ekspertiza və hesablama aparılıb.
Müəyyən olunub ki, limon bağı nisbətən gənc olduğu üçün normadan artıq yağan qar nəticəsində zərərin miqdarı daha yüksək olub. Bildirilib ki, mütəxəssislər tərəfindən dəymiş zərər qiymətləndirildikdən sonra fermerə ödəniş ediləcək.
