Lənkəran Olimpiya İdman Kompleksində ilin idman yekunlarına həsr olunmuş tədbir keçirilib. Bu haqda məlumatı Cenublu.az bu gün, 30 dekabr tarixində verir.
Dünya Azərbaycanlılarının Həmrəyliyi Gününə həsr olunmuş tədbirdə idmançılar, məşqçilər, media və idman ictimaiyyətinin nümayəndələri iştirak ediblər.
Burada respublika, beynəlxalq, Avropa və dünya əhəmiyyətli yarışlarda il ərzində nailiyyət qazanmış idmançılar və onların məşqçiləri təşəkkürnamə və hədiyyələrlə mükafatlandırılıblar.
Həmçinin idmançılara və qonaqlara regionda “İlin ən yaxşı OİK”, “İlin ən yaxşı İdman Klubu”, idman tədbirlərinin ən yaxşı təşkilatçısı və digər nominasiyalar üzrə təltiflər və hədiyyələr təqdim olunub.
Tədbir Lənkəran-Astara Regional Gənclər və İdman İdarəsi tərəfindən təşkil olunub.
