Gənclər Paytaxtı Lənkəranda gənclərlə “Zirvəyə doğru” adlı görüş keçiriləcək. Bu haqda məlumatı Cenublu.az bu gün, 19 iyun tarixində verir.
“İrs” layihəsi çərçivəsində keçirilən görüşdə ölkə ziyalıları, tanınmış şəxslər gənclərin görüşünə gələcəklər. Tədbirdə Xalq şairi Baba Vəziroğlu, Əməkdar artist Təyyar Bayramov, Əməkdar jurnalist Xoşqədəm Hidayətqızı, psixologiya üzrə fəlsəfə doktoru Könül Cəfərova iştirak edəcəklər.
Görüş 22 iyun saat 11:00-da Lənkəran şəhər Mədəniyyət Mərkəzində baş tutacaq.
Qeyd edək ki, tədbir Lənkəran–Astara Regional Gənclər və İdman İdarəsi, Lənkəran–Astara Regional Mədəniyyət İdarəsi, Lənkəran–Astara Regional Təhsil İdarəsi və “Nömrə 1” Psixoloji İnkişaf Mərkəzi tərəfindən keçirilir.
