Lənkəranda gənclər üçün ”Sağlam həyat - sağlam düşüncə” adlı təlim təşkil olunub. Bu haqda bu gün, 9 sentyabr tarixində Cenublu.az Lənkəran Şəhər Gənclər və İdman İdarəsinə istinadən xəbər verir.
Tədbir Lənkəran Şəhər Gənclər və İdman İdarəsinin təşkilatçılığı ilə keçirilib. Görüşdə psixoloq Fərrux Əliyev gənclərlə həmsöhbət olub. Tədbiri giriş sözü ilə açan Lənkəran Şəhər Gənclər və İdman İdarəsinin rəisi Teymur Babazadə gənclər arasında narkomaniyanın yayılma səbəblərindən danışıb.
Fərrux Əliyev, eyni zamanda narkomaniyanın ziyanları haqda da danışaraq bildirib ki, narkomaniya yaddaş və təfəkkürü pozur, həyata qarşı laqeydlik yaradır. Narkomaniyanın yayılması millətin sağlam həyat tərzi üçün təhlükə törədir.
Tədbirin sonunda gənclər qruplara ayrılaraq “Narkomaniyanın qarşısını almaq üçün nələr edə bilərik?” sualı ətrafında diskussiya aparıblar.
