Lənkəran Regional Elmi Mərkəzində elmi seminar keçirilib. Bu haqda məlumatı Cenublu.az bu gün, 28 may tarixində verir.
Tədbir ümummilli lider Heydər Əliyevin 101 illiyinə və Müstəqillik Gününə həsr edilib. Bəlləbur kənd məktəbinin direktor müavini Əlisəfa Bünyatzadə “AXC parlamenti (1918-1920-ci illər)” mövzusunda məruzə ilə çıxış edib. Daha sonra mərkəzin elmi işçisi tarix üzrə fəlsəfə doktoru Mayis Cəfərov və başqaları müzakirə olunan mövzularla əlaqədar mülahizələrini bölüşüblər.
Maraqlı diskussiya şəraitində keçən elmi seminarda iştirak edən Lənkəran Dövlət Universiteti və Lənkəran Tibb Kollecinin tələbələrindən Arzu Hadiyeva, Şəhla Bağırzadə, Nərmin İsmayılzadə, Səbinə Qafarova, Gülnaz Hadiyeva və Mərd Fərəməzovu maraqlandıran suallar cavablandırılıb. Sonda xatirə şəkli çəkilib.
