Lənkəranda Xəzər dənizinin sahilində mina tapılıb. Bu haqda məlumatı Cenublu.az bu gün, 29 may tarixində Report.az-a istinadən verir.
Mina sahil zolağında, çimərlik ərazisində aşkar olunub. Əraziyə mütəxəssislər cəlb ediliblər. İnsanlar təxliyə edilməklə təhlükəsizlik tədbirləri görülüb və mina zərərsizləşdirilib.
Qeyd edək ki, ərazidə vaxtilə sovet ordusuna aid hərbi hissə yerləşib. Dənizdə su səviyyəsi artdıqdan sonra ərazi su altında qalıb. Artıq bir neçə ildir ki, bu ərazilər quruduqca minalar aşkar edilərək müvafiq qurumların əməkdaşları tərəfindən zərərsizləşdirilir.
