Lənkəran şəhəri, Zərifə Əliyeva küçəsi, bina 78/9 ünvanında yaşayan sakinlər binanın zirzəmisindəki vəziyyətə görə əziyyət çəkirlər. Bu haqda məlumatı Cenublu.az bu gün, 7 fevral tarixində Xezerxeber.az-a istinadən verir.
Sözügedən bina 10 il əvvəl əsaslı təmir olunub. Lakin kanalizasiya sistemi düzgün qurulmayıb. Nəticədə çirkab sular zirzəmiyə dolur.
Sakinlərin sözlərinə görə, hər şikayətlərindən sonra Sukanal Sahəsi tərəfindən zirzəmidən su çəkilir, amma məsələ hələ də həllini tapmayıb.
Qeyd edək ki, bina 46 il öncə inşa olunub. Burada 50-yə yaxın ailə yaşayır.
Lənkəran Sukanal Sahəsinin rəisi Asif Məmmədov bildirib ki, binanın zirzəmisinə çirkli sularla yanaşı, qrunt suları da axır. Qrunt suları zirzəmidən xüsusi texnikalarla çəkildikdən sonra qəzalı su boruları tam bərpa ediləcək.
