Lənkəran rayonun Boladi kəndində ağır yol-nəqliyyat hadisəsi baş verib. Bu haqda məlumatı Cenublu.az bu gün, 10 iyun tarixində Apa.az-a istinadən verir.
Hadisə Ələt–Astara magistralının 152-ci km-də qeydə alınıb. “Toyota Prado” və “Mercedes” markalı minik avtomobillərinin toqquşması nəticəsində “Prado” aşıb.
Qəza zamanı xəsarət alanlar “Tayota”nın sürücüsü, Bakı şəhər sakini, 42 yaşlı Məmməd Rəcəbov, “Mercedes”in sürücüsü Lənkəran rayonunun Haftoni kənd sakini, 43 yaşlı Mühəndis Rzayev, eləcə də hər iki nəqliyyat vasitəsində sərnişin qismində olan Lənkəran rayon sakini, 57 yaşlı Məlahət Mahmudova, Lerik rayonunun Bırkandul kənd sakini, 26 yaşlı Alqayıt Əliyev, Bakı şəhərinin Binə qəsəbə sakini, 16 yaşlı Eldar Rəcəbli, 11 yaşlı Hüseyn Rəcəblidir.
Həkimlərin səylərinə baxmayaraq, qəza nəticəsində ağır xəsarət alan 10 yaşlı Akif Mahmudov komadan çıxmayıb, 1 nəfərin isə həkiməqədər ölüm faktı təsdiqlənib.
