Lənkəranda qanunsuz ağac kəsimi faktı qeydə alınıb. Bu haqda məlumatı Cenublu.az bu gün, 30 avqust tarixində Report.az-a istinadən verir.
Belə ki, ağac xüsusi mülkiyyətdə olan torpaq sahəsində qanunsuz olaraq kəsilib. Faktla bağlı Cinayət Məcəlləsinin 188.1 (torpaq üzərində mülkiyyət, istifadə və ya icarə hüququnu pozma), 259.1, 259.2.3 və 259.2.4-cü (qanunsuz ağac kəsmə) maddələri ilə cinayət işi başlayıb.
Qeyd edək ki, qanunsuz ağac kəsmə faktları Lənkəranla yanaşı Xaçmaz, İsmayıllı və Oğuz rayonlarında da qeydə alınıb. Beləliklə, təbiətə ümumillikdə 60 min manat məbləğində maddi ziyanın dəydiyi müəyyən edilib.
