Lənkəranda narkotik vasitələrin dövriyyəsində şübhəli bilinən şəxslər saxlanılıblar. Bu haqda bu gün, 18 avqust tarixində Cenublu.az APA.az-a istinadən xəbər verir.
Lənkəran ŞRPŞ-nin əməkdaşlarının keçirdikləri əməliyyat nəticəsində şübhəli bilinən Elçin Məmmədov saxlanılıb. Şəxsi axtarış zamanı ondan hazır bükümlərdə qablaşdırılmış heroin aşkarlanaraq götürülüb. Əlavə axtarışlar nəticəsində yaşadığı evin zirzəmisindən 2 ədəd bağlamada ümumi çəkisi 4 kq 215 qr olan heroin aşkarlanaraq götürülüb.
Polis əməkdaşlarının keçirdikləri digər əməliyyat-axtarış tədbirləri nəticəsində daha 7 nəfər saxlanılıb. Saxlanılan 8 nəfərdən 4-ü barəsində məhkəmə tərəfindən həbs, digər 4-ü barəsində isə polisin nəzarəti altına verilmə qətimkan tədbirləri seçilib.
