Lənkəran Şəhər Gənclər və İdman İdarəsinin könüllüləri və idarənin nəzdində fəaliyyət göstərən UGİM-in direktoru Vətən müharibəsi şəhidi Vüsal Kazımovun ailəsini ziyarət ediblər. Bu haqda məlumatı Cenublu.az bu gün, 5 sentyabr tarixində verir.
Ziyarət zamanı onlar şəhidimizin atası Kamran Kazımovla övladının keçdiyi şərəfli döyüş yolundan danışıblar və onun ev-muzeyinə baxış keçiriblər.
Qeyd edək ki, baş leytenant Vüsal Kazımov Lənkəran rayonunun Yuxarı Nüvədi kəndində anadan olub. Vətən müharibəsi zamanı o, Füzuli əməliyyatında, Cəbrayıl uğrunda döyüşlərdə, Xocavənd rayonunun işğaldan azad olunmasında və Şuşanın azad edilməsində iştirak edib. 29 noyabr 2020-ci il tarixində Lənkəran rayon Yuxarı Nüvədi kəndində böyük izdihamla dəfn edilib.
Şəhidimizn atası, filologiya elmləri doktoru Kamran Kazımov Lənkəran Dövlət Universitetinin prorektorudur.
