Lənkəranlı Vətən müharibəsi iştirakçısı Rəşad Rafiq oğlu Əhədov qəbul imtahanında yetərincə bal toplayaraq Lənkəran Dövlət Universitetinə daxil olub. Bu haqda məlumatı Cenublu.az bu gün, 7 sentyabr tarixində verir.
Rəşad Əhədov 25 fevral 2001-ci ildə Lənkəran rayonunun Gəgiran kəndində anadan olub. 2007-2018-ci illərdə Gəgiran kənd tam orta məktəbində təhsil alıb. Ali məktəbə sənəd versə də, istədiyi fakültəyə daxil ola bilmədiyi üçün 8 aprel 2019-cu ildə həqiqi hərbi xidmətə yola düşüb. Vətənimizin ərazisinin bütövlüyü uğrunda gedən döyüşlərdə iştirak edən Rəşad “Suqovuşanın azad olunması” və “Vətən müharibəsi iştirakçısı” medalları ilə təltif olunub.
2 aprel 2021-ci ildə ordu sıralarından tərxis olandan sonra yenidən ali məktəbə daxil olmaq üçün hazırlıqlara başlayıb. Qəbul imtahanında II qrup üzrə 242 bal toplayaraq o, arzuladığı "Tarix və coğrafiya müəllimliyi" ixtisasina qəbul olub.
Qeyd edək ki, Rəşad imtahanda tarix fənnindən bütün suallara doğru cavab verərək maksimum nəticə göstərib.
