Lənkəran və Masallıda Qarabağ Universitetinə tələbə qəbulu barədə maarifləndirici görüşlər keçirilib. Bu haqda məlumatı Cenublu.az bu gün, 8 iyun tarixində verir.
Görüş cari tədris ilində ümumi təhsil məktəblərinin 11-ci sinfini bitirərək buraxılış imtahanlarında 200 baldan çox nəticə göstərmiş məzunlarla olub. Çıxış edən Lənkəran–Astara Regional Təhsil İdarəsinin Tədrisin keyfiyyəti sektorunun müdiri Hafiz Pənahov və baş məsləhətçi Namiq Aslanov Qarabağ Universitetini seçəcək tələbələr üçün ediləcək güzəştlər və təhsil alanların yiyələnə biləcəkləri ixtisaslar barədə məlumat veriblər.
Qeyd edək ki, Qarabağ Universiteti 2024-2025-ci tədris ilindən fəaliyyətə başlayacaq.
