Lənkəran və Masallıda yerləşən iaşə obyektləri Azərbaycan Respublikasının Qida Təhlükəsizliyi Agentliyi (AQTA) tərəfindən cərimələnib. Bu haqda məlumatı Cenublu.az bu gün, 25 avqust tarixində AQTA-ya istinadən verir.
Belə ki, Lənkəran rayonu, Şıxəkəran kəndində yerləşən və Emilya Tabir qızı Quliyevaya məxsus olan ərzaq mağazasında istifadə müddəti bitmiş məhsulların satışı aşkarlandığı üçün sahibkar barəsində inzibati cərimə tətbiq olunub və məhsulların satışının qadağan edilməsi barədə məhdudlaşdırıcı qərar qəbul edilib.
Həmçinin Masallı rayonu, Dəmbəlov kəndində yerləşən “Orand” istirahət mərkəzində sanitar norma və qaydaların pozulması aşkar olunduğu üçün sahibkar Cabbar Baloğlan oğlu Məlikov barəsində inzibati cərimə tətbiq olunub.
Qeyd edək ki, 15-19 avqust tarixlərində AQTA respublika ərazisində 66 sahibkarlıq subyektində yoxlamalar həyata keçirib və 52 müəssisədə nöqsanlar müəyyən olunub.
