Lənkəran rayon sakinlərində narkotik vasitə aşkarlanıb. Bu haqda məlumatı Cenublu.az bu gün, 8 iyun tarixində Daxili İşlər Nazirliyinin (DİN) mətbuat xidmətinə istinadən verir.
Polis əməkdaşlarının keçirdikləri tədbirlər nəticəsində Aqil Vəliyev və Anar Vəlizadə sonuncunun idarə etdiyi "Opel" markalı avtomobildə saxlanılıblar. Həmin nəqliyyat vasitəsindən 20 kiloqram tərkibi psixotrop maddə ilə zənginləşdirilmiş marixuana aşkarlanaraq müsadirə olunub.
Araşdırma zamanı Aqil Vəliyevin narkotik vasitəni şəxsiyyəti istintaqla araşdırılan Hafis adlı İran vətəndaşından əldə etdiyi müəyyən edilib.
Faktla bağlı araşdırma davam etdirilir.
