Lənkəranda DYP əməkdaşı ilə sürücü arasında yaranan mübahisə vətəndaşın intihara cəhd göstərməsinə səbəb olduğu iddia edilir. Bu haqda bu gün, 18 avqust tarixində Cenublu.az-a məlumat daxil olub.
Belə ki, T.T. (şərti ad) Sütəmurdov körpüsünə çıxaraq özünə kəsici alətlə xəsarət yetirib və körpüdən atacağını bildirib. Hadisə yerinə DİN və FHN-nin xilasedici alayı cəlb olunub.
Verilən məlumata əsasən, T.T.-nin intihara cəhd göstərməsinə səbəb, Lənkəran Şəhər Dövlət Yol polisi əməkdaşının T.T.-nin idarə etdiyi “Lada Priora” markalı avtomobili saxlaması və polis şöbəsinə apararaq buraxmaması olub.
Yaranan münaqişədən sonra T.T. Sütəmurdov körpüsünə çıxaraq polis əməkdaşının hadisə yerinə gəlməsini və maşınının cərimə meydançasından buraxılmasını tələb edib.
Sözügedən hadisəyə görə Sütəmurdov körpüsünə gedən istiqamətdə yol bağlanıb və tıxac yaranıb.
Daha sonra, T.T. ilə aparılan danışıqlardan sonra zərərçəkmiş Lənkəran Rayon Mərkəzi Xəstəxanasına aparılıb.
