Lənkəran sakini xassəli çətənə bitkiləri yetişdirməkdə şübhəli bilinirək saxlanılıb. Bu haqda məlumatı Cenublu.az bu gün, 20 iyul tarixində verir.
Hadisə Balıqçılar qəsəbəsində baş verib. Əvvəllər məhkum olunmuş Müqəddəs Qəmbərov yaşadığı evin həyətindəki yarımçıq tikilidə kultivasiya yolu ilə çətənə bitkiləri yetişdirib.
Lənkəran Şəhər Rayon Polis Şöbəsinin Liman polis bölməsinin əməkdaşları onun həyətində 41 ədəd çətənə bitkisi və 3 kiloqramdan artıq marixuana aşkar edərək götürüblər.
Faktlarla bağlı araşdırma aparılır.
Qeyd edək ki, Lənkəran ŞRPŞ əməkdaşlarının son bir həftə ərzində keçirdikləri əməliyyatlar zamanı 13 nəfər narkotik vasitələrin qanunsuz dövriyyəsində şübhəli bilinərək saxlanılıb.
