Bakı şəhərinin Sabunçu rayonunda oğurluq edən Lənkəran sakini həbs edilib. Bu haqda bu gün, 20 avqust tarixində Cenublu.az DİN-ə istinadən xəbər verir.
Sabunçu RPİ 14-cü Polis Bölməsinin əməkdaşlarının keçirdikləri əməliyyat-axtarış tədbirləri nəticəsində məlum olub ki, əvvəllər məhkum olunmuş R.Şahbazov bir müəssisə, bir ofis və bir evdən oğurluq edib. O, ümumilikdə 190 metr telefon kabeli, 1500 manat dəyərində məişət əşyaları və naqil, 400 manat dəyərində 2 ədəd samovar, 2 ədəd su mühərriki, boru və qaz balonunu mənimsəyib.
