Lənkəranlı igidimiz Əhədzadə Xəyal Əlövsət oğlu düşmən təxribatının qarşısını alarkən qəhrəmancasına şəhid olub. Hazırda igidimizin nəşi torpağa tapşırılır.
Xəyal Əhədzadə Lənkəran rayonunun Nərimanabad qəsəbə (Üzümçülük sovxozu) sakinidir. O, böyüdüyü qəsəbədə dəfn olunur.
Şəhidimiz Lənkəran Şəhər Gənclər və İdman İdarəsinin nəzdində Uşaq Gənclər İdman Məktəbinin yetirməsi olub. 2012-ci ildə Boks idman növü üzrə məktəblilərin Azərbaycan birinciliyində 40 kq çəki dərəcəsində birinci yeri qazanaraq Respublika çempionu olub.
Vətən müharibəsi iştirakçısı olmuş Xəyal Əhədzadə “Azərbaycan Bayraq” ordeni, “Füzulinin azad olunması”, “Cəbrayılına azad olunması”, “Kəlbəcərin azad olunması” və “Şuşanın azad olunması” medalları ilə təltif edilib.
View this post on Instagram
