Lənkəranda şəhid və qazi ailələrinin üzvləri üçün səyyar tibbi xidmət göstərilib. Bu haqda məlumatı Cenublu.az bu gün, 13 sentyabr tarixində Rəşad Mahmudovun rəsmi Facebook səhifəsinə istinadən verir.
Tibbi aksiya çərçivəsində Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini t.ü.f.d., dosent İsmayıl Əfəndiyev, Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, Milli Məclisin Səhiyyə komitəsinin sədr müavini, t.e.d., əməkdar həkim, ürək-damar cərrahı Rəşad Mahmudov, Mərkəzi Gömrük Hospitalının həkim-sonoloqu Günay Əhmədova, həkim-pediatr Təranə Göyüşova, həkim-nevropatoloq Mənsumə Talıbova, həkim-uroloq Samir Ağalarov, həkim-psixoloq İradə Ramazanova, həkim-kardioloq Emin Allahverdiyev və 10-a yaxın tibb personalı şəhid, qazi ailələrinin üzvlərinə tibbi xidmət göstəriblər.
Aksiya Azərbaycan Respublikası Dövlət Gömrük Komitəsi Tibbi Xidmət İdarəsinin, TƏBİB-in və Lənkəran Şəhər İcra Hakimiyyətinin təşkilatçılığı ilə Lənkəran Rayon Mərkəzi Xəstəxanasında baş tutub.
Qeyd edək ki, aksiya bu gün və sabah davam edəcək.
