7 fevral 2024-cü ildə ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Lənkəran rayonunun Ürgə kəndində seçicilərlə görüş keçirilib. Bu haqda məlumatı Cenublu.az bu gün, 17 yanvar tarixində verir.
Görüşdə YAP Lənkəran rayon təşkilatının sədr müavini Əlövsət Qurbanov və təşviqat qrupunun üzvləri çıxış ediblər.
Çıxışlarda son 20 ildə Azərbaycanın böyük inkişaf yolu keçdiyini, ölkəmizin qarşısında yeni perspektivlərin açıldığını, ən böyük nailiyyətin isə Azərbaycanın ərazi bütövlüyünün və suverenliyinin bərpası olduğu vurğulanıb.
