Lənkəran RİH-nin başçısının sabiq müavini Rasilə Arifqızı barəsində açılmış cinayət işi məhkəməyə göndərilib. Bu haqda məlumatı Cenublu.az bu gün, 23 avqust tarixində Daxili İşlər Nazirliyinə istinadən verir.
Belə ki, Rasilə Arifqızına Cinayət Məcəlləsinin 309.1-ci (vəzifə səlahiyyətlərini aşma) maddəsi ilə cinayət işi açılıb.
Qeyd edək ki, sabiq müavin bu il 14 yul tarixində Lənkəran şəhər V.Əliyev adına 4 nömrəli humanitar təmayüllü məktəb-liseyinin 9-cu sinif şagirdini attestat vermək adı ilə evinə qətizdirərək, ona qarşı fiziki zorakılıq hərəkətləri etməsi və yeniyetmənin mobil telefonunu əlindən alıb şəxsi məlumatlarını yaxın qohumlarının mobil telefonlarına göndərməklə onun hüquqlarına və qanuni mənafelərinə mühüm zərər vurmasında şübhəli bilinərək barəsində cinayət işi açılıb. Daha sonra, o, vəzifəsindən azad olunub.
Həmçinin, adıçəkilən məktəbin direktoru Yeganə Əsgərova da bu hadisədə adı hallandığı üçün vəzifəsindən kənarlaşdırılıb.
