Lənkəranda qanunsuz ağac kəsimi faktı qeydə alınıb. Bu haqda məlumatı Cenublu.az bu gün, 7 sentyabr tarixində Apa.az-a istinadən verir.
Belə ki, fakt Dövlət Ekoloji Təhlükəsizlik və Meşələrin İnkişafı Xidmətləri tərəfindən keçirilən nəzarət tədbirləri zamanı Lənkəran Regional Meşə Təsərrüfatı Mərkəzinin Vizəzəmin meşəbəyliyində aşkar olunub.
Azərbaycan Respublikasının Ekologiya və Təbii Sərvətlər Nazirliyindən verilən xəbərə görə, faktla bağlı akt tərtib olunub və təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikası Baş Prokurorluğuna göndərilib.
