Bu gün, 15 avqust tarixində lənkəranlı şəhid Əli Mehdizadənin mövlud günüdür.
Əli Məcid oğlu Mehdizadə 2001-ci ildə Lənkəran şəhərində anadan olub. Orta məktəbi bitirdikdən sonra hərbi xidmətə yollanıb. Azərbaycan Ordusunun Xüsusi Təyinatlı Qüvvələrinin əsgəri olan Əli Mehdizadə Vətən müharibəsi zamanı Murovdağın, Cəbrayılın, Füzulinin, Xocavəndin və Şuşanın azadlığı uğrunda gedən döyüşlərdə vuruşub. Cəbrayılda çiynindən qəlpə yarası alıb və hospitala yerləşdirilib. Müalicəsi bitdikdən sonra yenidən döyüşə yollanıb. O, 1 noyabr 2020-ci ildə səhər saatlarında Şuşa döyüşləri zamanı Şuşa rayonunun Daşaltı kəndi istiqamətində döyüş tapşırığını yerinə yetirən zaman 1553 metr yüksəkliyində qəhrəmancasına şəhid olub.
Ölümündən sonra “Şücaətə görə”, “Vətən uğrunda”, “Cəsur döyüşçü”, “Şuşanın azad olunmasına görə”, “Xocavəndin azad olunmasına görə”, “Kəlbəcərin azad olunmasına görə” medalları və “Rəşadət” ordeni ilə təltif olunub.
