Lənkəran sakini polisə yalan məlumat verib. Bu barədə Cenublu.az bu gün, 26 avqust tarixində Apa.az-a istinadən xəbər verir.
Belə ki, rayon sakini olan bir qadın axşam saatlarında tək olduğu zaman yaşadığı evə biri qadın, digəri kişi olmaqla 2 nəfər maskalı şəxsin daxil olaraq onu hədələdiyi və zor tətbiq edərək pul və qızıl-zinət əşyalarını tələb etdiyi barədə polisə məlumat verib. Lakin araşdırma zamanı məlum olub ki, qadın polisə bilərəkdən yalan məlumat verib və əslində heç bir quldurluq hadisəsi baş verməyib. Qadın sonda bilərəkdən yalan məlumat verdiyini etiraf edib.
