Lənkəranda bir çox şagirdin sənət sahibi olduğu Peşə Liseyinə məxsus hotel fəaliyyət göstərəcək. Bu haqda bu gün, 8 sentyabr tarixində Cenublu.az Report.az-a istinadən xəbər verir.
Məsələ ilə bağlı Peşə Təhsili üzrə Dövlət Agentliyinin direktor müavini, direktor vəzifəsini icra edən Ceyhun Kərəmov “Media və təhsil dialoqu” mövzusunda keçirilən təlim-seminarda çıxışı zamanı açıqlama verib.
"Tələbələrin idarəetmədə iştirakı olacaq. Bu addım peşə məktəblərinin özünü maliyyələşdirməsi üçün olduqca vacibdir və publik hüququ şəxsin sahibkarlıq fəaliyyəti çərçivəsində mümkün olacaq. Tələbələr burada çalışıb, təcrübə toplayacaqlar. Müəssisə isə əldə olunan vəsait hesabına tədrisin keyfiyyətini artıra biləcək", - deyə Ceyhun Kərimov bildirib.
