Lənkəranda “Məişət zorakılığı qurbanları ilə sosial iş” mövzusunda tədbir keçirilib. Bu haqda məlumatı Cenublu.az bu gün, 27 avqust tarixində Ombudsmana istinadən verir.
Tədbirdə çıxış edən Ombudsmanın Cənub Regional Mərkəzinin rəhbəri Ziya İsmayılov iştirakçılara Ombudsmanın məişət zorakılığının qarşısının alınması sahəsində fəaliyyəti, həmçinin “Məişət zorakılığının qarşısının alınması haqqında” Azərbaycan Respublikasının Qanunu, məişət zorakılığının qarşısının alınması sahəsində əsas prinsiplər, bu mövzuda şikayətlərə baxılması qaydası və digər mühüm müddəalar barədə geniş məlumat verib.
Qeyd edək ki, tədbir Əmək və Əhalinin Sosial Müdafiəsi Nazirliyi tərəfindən keçirilib.
