Lənkəranda intihar etmiş stomatoloqla bağlı məlumatlar üzə çıxıb. Bu haqda bu gün, 22 avqust tarixində Cenublu.az Qafqazinfo.az-a istinadən xəbər verir.
Müşfiq Bağırov tanınmış həkim ailəsindən olub. Atası Zaman Bağırov da uzun illərdir rayonda tibb sahəsində fəaliyyət göstərir. Müşfiq Bağırov Lənkəranda xeyriyyəçiliklə məşğul olub. O, klinikasında yüzlərlə qazi, şəhidlərin ailə üzvləri və tələbələri pulsuz müalicə edib.
Stomatoloq fəaliyyətindən savayı, Müşfiq bəy bizneslə də məşğul olub. Maşın alveri ilə məşğul olan Bağırov Rusiyaya çiyələk göndərilməsi biznesinə də qoşulub. Verilən məlumata əsasən, o Moskvaya dəyəri 200-300 min manat olan çiyələk göndərib, lakin ziyan edib və malı qəbul edən tərəf ödənişləri etməyib.
Qeyd edək ki, Müşfiq Bağırov dünən özünə məxsus yarımtikilidə intihar edib.
