Lənkəran şəhər İcra Hakimiyyətinin başçısı Gəgiran kənd sakinləri ilə görüş keçirib. Bu haqda bu gün, 18 avqust tarixində Cenublu.az Lənkəran ŞİH-yə istinadən xəbər verir.
Taleh Qaraşov, dövlət qurumlarının nümayəndələri, şəhid ailələri, qazilər və digər kənd sakinləri görüşdən öncə Gəgiran kənd qəbirstanlığını ziyarət edib, şəhidlərimizin məzarlarının önünə gül çələngləri düzüblər.
Ucqar kənd camaatı Taleh Qaraşova arzu və təkliflərini bildiriblər. İcra başçısı əksər məsələləri yerindəcə həll edib, digər məsələlərin həlli istiqamətində isə müvafiq tapşırıqlar verib.
Tədbirdən sonra Taleh Qaraşov torpaq sürüşməsi nəticəsində qəzalı vəziyyətə düşən, şəhid atası Əhədov Şakir Qəni oğlunun evində şəhər İcra hakimiyyətinin maliyyə dəstəyi ilə aparılan tikinti işləri ilə yerindəcə tanış olub.
