Lənkəranda keçirilən "Gənc alimlərin yay düşərgəsi" başa çatıb. Bu haqda bu gün, 12 avqust tarixində Cenublu.az Azərbaycan Respublikası Gənclər və İdman Nazirliyinə istinadən xəbər verir.
Layihə çərçivəsində iştirakçılar AMEA Lənkəran Regional Elmi Mərkəzində olublar. Onlar burada yetişdirilən müxtəlif çay növləri, sitrus bitkiləri, zəngin meşə genofondu ilə tanış olub, görkəmli alimlərin mühazirələrini dinləyiblər. Düşərgənin son günündə 44 günlük Vətən müharibəsi şəhidi, Lənkəran Regional Elmi Mərkəzinin əməkdaşı olmuş Bağırzadə Mahsunun atası Zahir Bağırov gənclərlə görüşüb.
Düşərgə müddətində təşkil olunmuş müxtəlif intellektual-əyləncəli oyunlar və idman yarışları üzrə qaliblərə sertifikat və hədiyyələr təqdim edilib.
Daha öncə “Gənc alimlərin yay düşərgəsi” barədə ətraflı məlumat vermişdik.
