Lənkəranda psixoloji yardıma ehtiyacı olan insanların effektiv reabilitasiyası həyata keçiriləcək. Bu haqda bu gün, 19 avqust tarixində Cenublu.az APA-ya istinadən xəbər verir.
Belə ki, 5 sentyabr tarixindən edibarən FHN-in dəvəti ilə Türkiyədən 20 nəfərdən artıq peşəkar psixoloq gələcək. Onlar Lənkəranda Vətən müharibəsi ilə bağlı psixoloji problemləri olan qazilərimizə, doğmalarını itirmiş şəhidlərin ailə üzvlərinə, erməni terrorundan fiziki və mənəvi zərər görmüş insanlara ödənişsiz olaraq psixoloji yardım göstərəcəklər.
Qeyd edək ki, Vətən müharibəsi ilə əlaqədar psixoloji problemlər yaşayan vətəndaşlar ödənişsiz psixoterapevtik yardım üçün Nazirliyin "112" qaynar telefon xətti vasitəsilə qeydiyyata yazıla bilərlər.
