Lənkəranda məktəb direktorunun səlahiyyəti gözətçiyə həvalə olunub. Bu haqda bu gün, 29 avqust tarixində Cenublu.az Oxu.az-a istinadən xəbər verir.
Söhbət rayonun Ə.Nəsirov adına Tütəpeştə kənd ümumi orta məktəbindən gedir. Verilən məlumata əsasən, təhsil ocağının direktoruna müəllimlər tərəfindən ünvanlanan məktuba qarovulçu cavab verib.
Məsələ ilə bağlı Lənkəran-Astara Regional Təhsil İdarəsi açıqlama verib. Bildirilib ki, bütün pedaqoji və texniki işçilərin məzuniyyətdə olduğu, məktəbin də təsərrüfat müdiri olmadığından müvəqqəti olaraq səlahiyyət gözətçiyə həvalə olunub.
“Hazırda direktor məzuniyyətdən geri döndüyünə görə, vətəndaş yenidən müraciət edə bilər”, - deyə adıçəkilən idarədən bildirilib.
[caption id="attachment_22231" align="alignnone" width="336"]
Oxu.az[/caption]
