Lənkəran rayonu Daştatük kənd sakinlərinin qazla bağlı problemləri var. Bu haqda məlumatı Cenublu.az bu gün, 30 iyul tarixində verir.
Belə ki, kənd sakinləri bizə müraciət edərək bildiriblər ki, Hirkan milli parkı ilə həmsərhəd olan kənddə qaz olmadığından, soyuq aylarda minlərlə ağac kəsilir.
“Keçən il oktyabr ayının 21-də “Azəriqaz” İB kəndimizdə “Açıq mikrofon” aksiyası keçirdi. Orada problemimizi rəhbərliyə çatdırdıq. Elə həmin ayın 28-də qaynar xəttdən İctimai Nəzarət Şurasının sədr müavini Rəşad Quliyev adlı mənə zəng edərək dedi ki narahat olmayın, sizin kəndi 2022-ci ilin planına saldıq. Lakin o gündən bu yana heçnə dəyişməyib. Davamlı olaraq şikayət edirdik. Sonda bizə müharibə səbəbindən boruların olmadığını və buna görə də, qaz xəttini çəkə bilmədiklərini bildirdilər”.
“Aidiyyəti qurumlardan xahiş edirik bizim kəndimizin qazlaşma problemini həll etsinlər. Daştatük kəndi 250-ə yaxın təsərrüfata sahibdir. Kəndin hər dörd tərəfi meşədir. Ümumilli liderimiz Heydər Əliyev deyib: "Bir ağacın budağını kəsən mənim balalarımın əllərini kəsir". Həm ağaclarımızı kəsilməkdən, həm də bizi soyuq qış aylarında donmaqdan qoruyun”, - deyə kənd sakinləri bildiriblər.
