Bu gün, 25 avqust tarixində Vətən müharibəsi qazisi, II qrup əlil Eyvaz Əmir oğlu Hüseynzadənin doğum günüdür.
Eyvaz Hüseynzadə 1996-cı ildə Lənkəran rayonunun Velədi kəndində anadan olub. Lənkəran Dövlət Universitetində kompüter elmləri ixtisası üzrə bakalavr təhsili alıb. Vətən müharibəsində könüllü iştirak edən Eyvaz Füzuli uğrunda gedən döyüşlərdə ağır yaralanıb.
O, Azərbaycan Respublikası Prezidentinin müvafiq sərəncamları ilə “Cəsur döyüşçü”, “Füzulinin azad olunmasına görə” və “Xocavəndin azad olunmasına görə” medalları ilə təltif olunub.
Qeyd edək ki, Eyvaz Hüseynzadə carı ilin iyul ayında Lənkəran Şəhər İcra Hakimiyyətində Vətən müharibəsi iştirakçıları və şəhid ailələri ilə işin təşkili şöbəsinə böyük məsləhətçi vəzifəsinə təyin olunub.
