Lənkəran-Astara Regional Təhsil İdarəsində vətəndaşlarla görüş keçirilib. Bu haqda bu gün, 18 avqust tarixində Cenublu.az idarənin rəsmi Facebook səhifəsinə istinadən xəbər verir.
Görüşdə Təhsil idarəsinin müdiri Elxan Nəcəfov, Elm və Təhsil Nazirliyinin əməkdaşları Altun Rəcəbli və Həmid Qasımov, şəhidlərin ailə üzvləri, qazilər, aztəminatlı və həssas qrupa aid edilən şəxslər olmaqla 22 nəfər iştirak edib.
Qəbul zamanı vətəndaşlar işə qəbul, əmək müqaviləsinin müddətinin artırılması və digər məsələlər ilə bağlı müraciətlər ediblər. Vətəndaşlara geniş məlumatın verildiyi görüşdə, 2 işə qəbulla bağlı məsələ həll edilib.
Təhsil İdarəsindən verilən məlumata əsasən, hər həftənin çərşənbə günü saat 15:00-dan 18:00-dək idarə müdiri tərəfindən vətəndaş qəbulu keçirilir.
