Lənkəran-Astara Regional Təhsil İdarəsinin müdiri Elxan Nəcəfov və idarənin müdir müavini Famil İsayev Təhsildə inkişaf və innovasiyalar üzrə VI qrant müsabiqəsinin 22 qalibi ilə görüş keçiriblər. Bu haqda məlumatı Cenublu.az bu gün, 16 avqust tarixində verir.
Görüşdə idarənin müdiri müsabiqənin əhəmiyyəti və vacibliyi barədə danışaraq layihə qaliblərini təbrik edib, onlara uğurlar arzulayıb. Daha sonra görüləcək işlər və qarşıda duran planlar müzakirə olunub.
Qeyd edək ki, Təhsildə inkişaf və innovasiyalar üzrə VI qrant müsabiqəsinin nəticələrinə əsasən, Lənkəran-Astara Regional Təhsil İdarəsinin tabeliyində fəaliyyət göstərən ümumi təhsil müəssisələrindən “Ümumi təhsil müəssisələri" kateqoriyası üzrə 4, “Fərdi layihələr” kateqoriyası üzrə isə 18 olmaqla, ümumilikdə 22 layihə qalib olub.
