Lənkəran-Astara Regional Təhsil İdarəsinin müdiri Elxan Nəcəfov və rayon təhsil sektorunun əməkdaşları Masallı rayonu üzrə təhsil sektorunun inzibati binasında vətəndaşları qəbul ediblər. Bu haqda məlumatı Cenublu.az bu gün, 13 avqust tarixində verir.
Görüşdə şəhidlərin ailə üzvləri, qazilər, aztəminatlı və həssas qrupa aid edilən şəxslər olmaqla, ümumilikdə 23 nəfər iştirak edib.
Qəbul zamanı əmək müqaviləsinin müddətinin artırılması, işə qəbul, məktəb və uşaq bağçalarının təchizat və təminat məsələləri və s. müraciətlər olub.
İşə qəbulla bağlı 2 müraciət yerindəcə həll olunub, digər məsələlərlə bağlı vətəndaşlara geniş məlumat verilib, araşdırılması tələb olunan müraciətlərlə əlaqədar aidiyyəti üzrə göstərişlər verilib.
