Lənkəran-Astara Regional Təhsil İdarəsinin müdiri Elxan Nəcəfov regionun bir qrup media nümayəndələri ilə görüş keçirib. Bu haqda bu gün, 19 avqust tarixində Cenublu.az idarənin rəsmi Facebook səhifəsinə istinadən xəbər verir.
Görüşdə 28 müxtəlif media qurumunu təmsil edən jurnalistlər iştirak ediblər. Tədbir zamanı Elxan Nəcəfov 3 ay müddətində görülmüş işlər barədə hesabat xarakterli məlumat verib. Daha sonra media nümayəndələrini maraqlandıran müxtəlif suallar cavablandırıb.
Qeyd edək ki, bu cür görüşlərin gələcəkdə hər ay daha geniş formatda keçirilməsi qərara alınıb.
