“Lənkəran-Astara iqtisadi rayonuna dəstək” layihəsi çərçivəsində ekspertlər və Kənd Təsərrüfatı Nazirliyinin Aqrar İnnovasiya Mərkəzi arasında görüş keçirilib. Bu haqda bu gün, 23 avqust tarixində Cenublu.az Aqrar İnnovasiya Mərkəzinə istinadən xəbər verir.
Görüş zamanı Mərkəzin rəhbərliyi tərəfindən qurumun fəaliyyəti, icra olunan layihələr və aqrar innovasiyaları təşviq edən startap, müsabiqə və yarışmaların keçirilməsi barədə məlumat verilib.
Müzakirələr zamanı Lənkəranda “Avropa İttifaqının Azərbaycanın Lənkəran-Astara iqtisadi rayonuna dəstəyi” layihəsinin inkişafının əhəmiyyətindən danışılıb. Sonda Mərkəzin təşkilatçılığı ilə keçirilən Aqrar İnnovasiya Festivalının növbəti təqdimatına “Avropa İttifaqının Azərbaycan Lənkəran-Astara iqtisadi rayonuna dəstəyi” layihəsinin komanda üzvlərinin cəlb olunması barədə razılığa gəlinib.
