Salyan şəhərindən keçən Kür çayının sahillərində antisanitar vəziyyət yaranıb.
Sakinlərin Cenublu.az -a verdikləri məlumata görə, bəzi vətəndaşlar məişət tullantılarını zibil konteynerlərinə atmaq əvəzinə birbaşa çayın sahilinə tökürlər. Nəticədə ərazidə plastik qablar, müxtəlif məişət tullantıları və digər zibillər toplanaraq həm ətraf mühiti çirkləndirir, həm də şəhərin görünüşünə mənfi təsir göstərir.
Şikayətçilər bildirirlər ki, xüsusilə yay aylarında tullantılardan yayılan xoşagəlməz qoxu ətrafda yaşayan insanlar üçün ciddi narahatlıq yaradır. Onlar aidiyyəti qurumların əraziyə nəzarəti gücləndirməsini, sahillərin təmizlənməsini və bu cür halların qarşısının alınması üçün tədbirlər görülməsini istəyirlər.
