Masallı Rayon İcra Hakimiyyətinin başçısı Köhnə Alvadı sakinləri ilə səyyar görüş-qəbul təşkil edib. Bu haqda bu gün, 1 sentyabr tarixində Cenublu.az Masallı RİH-yə istinadən xəbər verir.
Görüşdə rayonun idarə, müəssisə və təşkilatlarının rəhbərləri, şəhid ailələri, qazilər, din xadimləri, ağsaqqallar və ziyalılar iştirak ediblər. Qəbul başlamazdan öncə şəhidlərimizin xatirəsi 1 dəqiqəlik sükutla yad edilib.
Tədbir zamanı icra başçısı Araz Əhmədov sakinlərin qayğıları ilə maraqlanıb. Sakinlər kəndlərdə mövcud olan qəzalı elektrik dirəklərinin dəyişdirilməsi, rabitə xətlərinin yenilənməsi və digər problemləri səsləndiriblər.
Araz Əhmədov qaldırılan məsələlərin həlli istiqamətində müvafiq qurumlara tapşırıqlar verib.
