Kənd Təsərrüfatı Nazirliyinin Elm, təhsil və insan resursları şöbəsinin müdiri İlham Süleymanov Lənkəranda vətəndaşları dinləyəcək. Bu haqda məlumatı Cenublu.az bu gün, 29 aprel tarixində verir.
Görüş 3 may tarixində saat 10:00-da Lənkəran Dövlət Aqrar İnkişaf Mərkəzinin inzibati binasında baş tutacaq. Burada vətəndaşların Kənd Təsərrüfatı Nazirliyinin səlahiyyət dairəsinə aid olan məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
İştirak etmək istəyən şəxslər Kənd Təsərrüfatı Nazirliyinin “Çağrı Mərkəzi”nə (1652) və Lənkəran Dövlət Aqrar İnkişaf Mərkəzinə (051-414-07-04) zəng etməklə qeydiyyatdan keçə bilərlər.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
