Dövlət Sərhəd Xidmətinin (DSX) Sərhəd Qoşunlarının “Göytəpə” sərhəd dəstəsinin hərbçiləri İrandan Azərbaycana narkotik keçirməyə cəhd edən şəxsi saxlayıblar. Bu haqda məlumatı Cenublu.az bu gün, 13 mart tarixində verir.
Belə ki, sərhəd zastavası “Silaha” komandası üzrə qaldırılıb, xidməti ərazi qapadılıb, sərhəd pozucusunu sərhəd naryadı saxlayıb.
Araşdırma zamanı saxlanılan şəxsin İran vətəndaşı, 41 yaşlı Ağaməhəmməd Tohid Mirməhəbbətəli olduğu müəyyən edilib və üzərindəki bağlamaya baxış keçirilərkən çəkisi 6 kiloqram 275 qram narkotik vasitə – 4 kq 995 qr metamfetamin, 1 kq 280 qr marixuana aşkar olunaraq götürülüb.
