Lənkəran–Astara Regional Gənclər və İdman İdarəsi bu həftə keçiriləcək idman tədbirlərinin siyahısını açıqlayıb. Bu haqda məlumatı Cenublu.az bu gün, 18 iyun tarixində verir.
18-22 iyun tarixləri arasında baş tutacaq turnirlərin siyahısını təqdim edirik:
- Azərbaycan Respublikasının Silahlı Qüvvələri Gününə həsr olunmuş həvəskarlar arasında minifutbol üzrə rayon açıq turnirinin yarımfinal oyunları 18-22 iyun saat 16:00-da Masallı rayonun Böyük Xocavar kənd futbol meydançasında;
- "İdman hamı üçün" layihəsi çərçivəsində sərbəst güləş üzrə master-klas 20 iyun saat 16:00-da Cəlilabad rayonunun Göytəpə şəhər Heydər Əliyev parkında;
- Vətən müharibəsi şəhidi Samir Allahverdiyevin doğum gününə həsr olunmuş minifutbol üzrə Lənkəran–Astara regionunun açıq turniri 20-23 iyun saat 19:00-da Lənkəran rayonun Ürgə minifutbol stadionunda;
- “İdman hamı üçün” layihəsi çərçivəsində futbol üzrə ustad dərsi və nümunəvi çıxışlar 21 iyun saat 17:00-da Astara rayonunun Ojəkəran kənd futbol meydançasında;
- Gənclər və İdman Nazirliyinin 30 illik yubileyinə həsr olunmuş qol güləşi üzrə region turniri 22 iyun saat 11:00-da Lənkəran Olimpiya İdman Kompleksində baş tutacaq.