Lənkəran rayonunun Gərmətük qəsəbəsində, uşaq bağçasının yaxınlığında yaşayan sakinlər aylardır davam edən elektrik problemi ilə üzləşdiklərini bildirirlər. Onların sözlərinə görə, təxminən 3-4 ay əvvəl kabelləşmə işləri aparılıb, yeni transformatorun quraşdırılması üçün yer də hazırlanıb, lakin avadanlıq hələ də quraşdırılmayıb.
Cenublu.az xəbər verir ki, vətəndaşların iddiasına görə, ərazi hazırda uzaqda yerləşən və həddindən artıq yüklənmiş transformatora qoşulduğundan elektrik gərginliyi çox zəifdir. Nəticədə su nasosları işləmir, məişət avadanlıqları isə sıradan çıxır.
Sakinlər aidiyyəti qurumlardan problemin qısa zamanda həll olunmasını tələb edirlər.
