Səfərbərlik və Hərbi Xidmətə Çağırış üzrə Dövlət Xidmətinin rəisi general-mayor Mürsəl İbrahimov Biləsuvar rayonunda vətəndaşlarla görüşəcək.
Cenublu.az xəbər verir ki, qəbul 22 may 2026-cı il tarixdə saat 10:00-da Biləsuvar şəhərində yerləşən Heydər Əliyev Mərkəzində keçiriləcək.
Qəbul zamanı Biləsuvar, Lənkəran, Masallı, Astara, Lerik, Cəlilabad və Yardımlı rayonlarında qeydiyyatda olan vətəndaşların müraciətlərinə baxılacaq.
Qəbula yazılmaq istəyən şəxslər 18 may 2026-cı il tarixinədək SHXÇDX-nin qeyd olunan rayonlar üzrə struktur bölmələrinə və ya [email protected] elektron poçt ünvanına müraciət edərək qeydiyyatdan keçə bilərlər.
Vətəndaşlardan qəbul zamanı şəxsiyyətlərini təsdiq edən sənədi özləri ilə gətirmələri tələb olunur.
