FHN-nin Cənub Regional Mərkəzi tərəfindən “Gənc xilasedici və yanğınsöndürən” XI Ümumrespublika yarışlarının zona birinciliyi keçirilib. Bu haqda məlumatı Cenublu.az bu gün, 24 may tarixində verir.
Yarışda Cənub Regional Mərkəzinin əhatə etdiyi şəhər və rayonların təhsil müəssisələri iştirak edib. Yarış “Kombinə edilmiş yanğın estafeti”, “Maneələr zolağı” və “Komandaların təqdimatı” adlı üç mərhələdən ibarət olub.
Sonda Yardımlı şəhər V.Məmmədov adına 2 nömrəli tam orta məktəb I yerə, Lənkəran şəhər R.Məmmədov adına 5 nömrəli tam orta məktəb II yerə, Cəlilabad şəhər 3 nömrəli tam orta məktəb III yerə layiq görülüb.
Qeyd edək ki, qalib komanda “Gənc xilasedici və yanğınsöndürən” yarışlarının respublika birinciliyində iştirak etmək hüququ qazanıb.
Tədbir Fövqəladə Hallar Nazirliyinin təşkilatçılığı, Azərbaycan Respublikası Elm və Təhsil Nazirliyi, eləcə də Gənclər və İdman Nazirliyinin birgə dəstəyi ilə keçirilib.
