Daha öncə Lənkəran şəhərinin Füzuli küçəsində xəndəklərin ətrafa pis qoxu yayması ilə bağlı sakinlər tərəfindən bizə müraciət daxil olmuşdu.
Məsələ tərəfimizdən işıqlandırıldıqdan sonra Lənkəran Şəhər Mənzil İstismar və Kommunal müəssisələr idarəsi tərəfindən məsələ nəzarətə götürülərək küçədəki problemin aradan qaldırılması istiqamətində işlər aparılıb.
Həmçinin idarə tərəfindən saytımıza açıqlama verilib ki, qeyd olunan küçənin yaxınlığında Lənkəran Şəhər Mənzil İstismar və Kommunal müəssisələr idarəsi tərəfindən zibil qabı yerləşdirilib və mütəmadi olaraq şəhər ərazisində, eləcə də Füzuli küçəsində təmizlik işləri aparılır.
“Şəhər sakinləri və qonaqlarımızdan tullantıları xüsusi ayrılmış zibil qablarına atmalarını xahiş edir və onları daha diqqətli olmağa çağırırıq”, - deyə qurumdan bildirilib.
Qeyd edək ki, sakinlər kommunal problemlərlə bağlı (025) 255-40-05 və (051) 748-36-01 nömrələri ilə əlaqə saxlaya bilərlər.
