Fövqəladə Hallar Nazirliyinin Cənub Regional mərkəzinin əməkdaşları praktik təlimlər keçiblər. Bu haqda bu gün, 12 sentyabr tarixində Cenublu.az FHN-yə istinadən xəbər verir.
Əməkdaşlar “Gecə vaxtı nəqliyyat qəzaları zamanı zərərçəkmişlərin xilas edilməsi” mövzusunda praktik təlimlərdə iştirak ediblər. Tədbirin keçirilməsində əsas məqsəd şəxsi heyətin döyüş və peşə hazırlığı səviyyəsinin daha da yüksəldilməsi, müxtəlif ekstremal şəraitlərdə, o cümlədən gecə vaxtı baş verən fövqəladə hallara çevik reaksiya vərdişlərinin təkmilləşdirilməsi olub.
Xilasedicilər xüsusi xilasetmə alət və avadanlıqlarından istifadə etməklə şərti avtomobil qəzası zamanı avtomobillərdə “sıxılı vəziyyətdə qalmış zərərçəkmişləri xilas ediblər”.
Tədbirin sonunda əldə edilmiş nəticələr təhlil olunub, müvafiq tapşırıqlar verilib.
